【SPP寵物圖鑑】微笑恐龍 – 豹紋守宮

就全世界嚟睇,「豹紋守宮」係現時最常見及最多人飼養嘅守宮品種。因為佢哋色彩豐富、體型細小,而且容易飼養,所以成功吸引到唔少爬蟲愛好者飼養。今次小編將會同大家分享介紹一下,「豹紋守宮」嘅特徵、種類、飼養環境等,希望呢啲知識可以幫到新手或愛好者對守宮嘅認知同理解。

 

豹紋守宮(Leopard gecko)

基本資訊

分 類:瞼虎屬

標準體重(成年):50g~60g

標準長度(成年):20~25cm

壽命:~10年

特徵:豹紋斑點、背部佈滿顆粒、肥肥的尾巴

 

聰明指數★★★☆☆

可愛程度★★★☆☆

懶惰指數★★★★☆

初次飼養★★★★☆

 

豹紋守宮個性:懶惰溫和

豹紋守宮一般清潔無味、動作比較緩慢且懶惰,人工飼養嘅多數只會食眼前見到嘅食物,好少主動覓食。同時,絕大多數豹紋守宮嘅性格十分溫順,基本上唔會主動攻擊,即使有時候會表現得好兇狠,但基本都只係屬於自衛時表現。

豹紋守宮如何分別男女?!

豹紋守宮的一生分為幼體、亞成體及成體三個階段。豹紋守宮成年為一歲,未滿六個月為幼體,六個月以上未滿一歲為亞成體。至於如何分別男女?喺幼年時係好難分辨,直到亞成體或成體則可以從腹面判定豹紋守宮嘅性別;雄性具有肛前孔和兩個凸囊,雌性則沒有呢啲特徵。

 

原來豹紋守宮的尾巴係健康象徵?!

豹紋守宮嘅尾巴一般有兩種用途;(一)儲存養分:豹紋守宮平時會把多餘的營養儲存在尾巴,因此尾巴愈肥代表守宮愈健康,但當尾巴消瘦就可能佢嘅健康出現問題啦!(二)表現情感:一般豹紋守宮都唔會太搖晃尾巴,除咗受到威嚇或興奮狩獵先會搖晃尾巴,若果太激動的話可能會斷尾,所以要多加留意呀!

 

原來豹紋守宮會食返自己啲皮?!

基本上,豹紋守宮平均一個月會脫一次皮(成體);若發現佢哋嘅身體變白,就係即將要脫皮嘅信號。而脫皮嘅順利程度與濕度有相當密切嘅關係,所以發現佢哋有脫皮徵兆,最好喺箱內牆壁噴啲水提升濕潤,以幫助守宮順利脫皮。最後,守宮更會將舊皮吃掉,因為對佢哋嚟講係好好嘅蛋白質來源嚟㗎!

 

原來豹紋守宮個耳朵喺呢到㗎?!

豹紋守宮同一般蜥蜴一樣係冇外耳,佢哋嘅耳朵係兩個生長在頭部兩側、由鼓膜保護嘅洞,而且佢哋亦可透過耳孔來定位獵物㗎!

 

以上關於豹紋守宮嘅「小秘密」,有冇為大家長知識呢~如果仲想知道更多關於其他品種嘅秘密,歡迎留言話俾我哋聽啦!

 

【SPP寵物圖鑑】香港專屬 – 港短

【SPP寵物圖鑑】霸氣威武 – 獅子兔

【SPP寵物圖鑑】盛世美顏 – 布偶貓

【SPP寵物圖鑑】百厭星 – 柴犬

【SPP寵物圖鑑】狗界暖男 – 金毛尋回犬

Share埋比朋友啦

你可能會喜歡