【SPP寵物圖鑑】香港專屬 – 港短

英短、異短、美短相信大家都聽過,但「港短」呢?其實「港短」意指香港本地嘅短毛貓,即係唐貓;中國俗稱為中華田園貓或土貓、台灣俗稱為米克斯貓(音譯自mix)。由於佢哋由不同貓種混合出來,所以有著不同嘅體型、顏色、花紋與外貌特徵。今日小編會同大家分享一下,關於「港短」嘅小秘密~🤫想知就快啲去睇啦!

 

「港短」基本資訊

港短 / 唐貓(moggie / mutt

貓種:家貓

標準體重(成年):約6.6 – 15磅

毛髮:短毛、有不同顏色花紋

特徵:肌肉型、三角型頭部及耳朵

 

聰明指數★★★★☆

可愛程度★★★☆☆

活躍程度★★★★☆

初次飼養★★★★★

 

個性:活潑好動

「港短」性格一樣傲嬌高冷,不過「港短」亦分為好多種,不同花色性格亦有不同。而佢哋一般都性格獨立,唔會過分黏人都唔會唔理人。另外,佢哋放蕩不羈愛自由,有一顆想要出去玩嘅心。

原來「港短」有好多種?!

由於「港短」係由不同貓種混合出來,所以有好多種不過主要可畫分為5種,分別有:「三花」「橘貓」「虎斑貓」「白貓」同「黑貓」。大家成日聽到嘅「橘貓」原來喺唐貓嚟㗎!

 

原來「港短」比品種貓更健康?!

大家都知貓貓睇一次醫生閒閒地都要幾千至一萬啦!而「港短」出名好少病痛,係冇咩遺傳病嘅貓品種。由於「港短」嘅基因來自唔同嘅品種,經過幾百萬次嘅結合後,遺傳所引致疾病嘅機會會大幅低於其他名種貓,而且一般抵抗力良好、好少病痛㗎!

 

以上關於「港短」嘅小秘密,有冇為大家長知識呢~👀如果仲想知道更多關於其他寵物嘅「小秘密」,歡迎留言話俾我哋聽啦!🤗

 

【SPP寵物圖鑑】霸氣威武 – 獅子兔

【SPP寵物圖鑑】盛世美顏 – 布偶貓

【SPP寵物圖鑑】百厭星 – 柴犬

【SPP寵物圖鑑】狗界暖男 – 金毛尋回犬

Share埋比朋友啦

你可能會喜歡