金毛尋回犬天生和藹可親,再加上經常有著一臉融化人心嘅傻笑,係好多喜歡大型犬嘅人會養嘅品種之一。而且近10 年來,金毛尋回犬亦一直係世上最受歡迎嘅狗狗品種前三名。今日小編會同大家分享一下,關於金毛尋回犬嘅「小秘密」啦~
基本資訊
金毛尋回犬(Golden Retriever)
犬種:槍獵犬
標準體重(成年):男 – 約63-74 磅;女 – 約59-70磅
毛髮:中等長度、波浪或平直型態、漸層金嘅毛髮
特徵:垂耳、暗褐色的眼睛、頭骨寬闊
聰明指數★★★★★
友善程度★★★★★
健康管理★★★☆☆
初次飼養★★★★★
個性:沉穩溫馴
金毛尋回犬個性沉穩溫馴、智力高、愛撒嬌,對小孩亦相對有耐心,而且同其他寵物及陌生人也相處融洽,可說是非常理想嘅伴侶犬。不過佢哋通常唔太會吠叫且缺乏警戒心,所以唔好指望佢哋會成為稱職嘅看門犬喔~
常見疾病
髖關節問題
一般中、大型犬都有機會患上髖關節發育不良,例如是德牧、拉布拉多和金毛等,體型偏大且較重嘅狗狗,髖關節要承受嘅壓力會較大,如果冇體重控制、避免過度運動,都有可能令軟骨磨捐,造成狗狗出現疼痛。
皮膚病
金毛尋回犬有著雙層毛髮,因此狗狗長期生活喺潮濕嘅環境中,極易感染真菌,引起皮膚瘙癢,脫毛等問題㗎! 所以平時除咗每天要為佢梳毛清潔之外,為佢哋沖涼後亦要多加留意呀! 例如:每次為佢沖涼後,都一定要用風筒和毛巾將毛髮徹底弄乾;唔好以為可以等自然乾啊,因為就算表層毛乾咗,底毛亦乾唔透。
曾獲健力士世界紀錄的金毛尋回犬
就在2021年,美國紐約一隻名叫 Finley 嘅金毛尋回犬,刷新咗「能在嘴裡塞最多網球」嘅健力士世界紀錄。 Finley 同好多狗狗一樣喜歡玩網球,但係佢有一個怪僻,就係鍾意用嘴一次過撿起所有網球!而早前佢成功同一時間將六個網球咬住,打破咗保持 17 年嘅紀錄(五個)。(小編:金毛真係多才多藝呀~)
以上關於金毛尋回犬嘅「小秘密」,有冇為大家長知識呢~如果仲想知道更多關於其他品種巳巳嘅「小秘密」,歡迎留言話俾我哋聽啦!
Edit: Raysin