【SPP寵物圖鑑】霸氣威武 – 獅子兔

獅子兔係外型酷似獅子而以此來命名,而且係好受大眾歡迎嘅家兔。佢哋唔單只外型望落「毛神神」好可愛,而且仲好威武。唔知大家覺唔覺得佢同賓尼兔係咪好似呢?今日小編會同大家分享一下,獅子兔嘅「小秘密」~ 想知就快啲去睇啦! 

 

Edit: Raysin

 

基本資訊

獅子兔(Lionhead)

兔種:家兔

標準體重(成年):約2.5 – 3.75磅

毛髮:長毛且有鬃毛

特徵:扁鼻,前腳長,頸、臉、頭頂有長毛

 

聰明指數★★★★☆

可愛程度★★★★☆

活躍程度★★★★☆

初次飼養★★★★★

 

個性:天不怕地不怕

獅子兔個性活潑好動,亦唔怕「生保」,對事物充滿好奇,對人亦友善;個性可以話溫順。不過,佢哋只係對人友善,一旦有其他兔兔入侵佢嘅領域,好容易會打架及互咬,所以獅子兔比較合適獨居,亦係非常適合初次飼養兔兔嘅選擇。

 

原來唔係所有獅子兔都有鬃毛?!

通常情況下,獅子兔嘅鬃毛多少係從父母遺傳;可以有雙鬃毛(兩個鬃毛基因)或單鬃毛(一個鬃毛基因)。一般「雙鬃」獅子兔會有厚厚嘅鬃毛,而「單鬃」獅子兔因為係純種獅子兔與其他品種交配嘅兔兔,所以兔BB出生時可能會冇鬃毛㗎!

 

原來獅子兔對人非常依賴?!

獅子兔同所有兔仔一樣對玩具需求非常大,而且呢個品種比其他兔兔更需要人類關注。因為佢哋天生好奇心重,鍾意玩同喜歡與人互動,有時更會跟隨在主人後面添~

 

以上關於獅子兔嘅「小秘密」,有冇為大家長知識呢~如果仲想知道更多關於其他品種嘅「小秘密」,歡迎留言話俾我哋聽啦!

 

【SPP寵物圖鑑】盛世美顏 – 布偶貓

【SPP寵物圖鑑】百厭星 – 柴犬

【SPP寵物圖鑑】狗界暖男 – 金毛尋回犬

Share埋比朋友啦

你可能會喜歡

shutterstock_1713613738_R 拷貝

Copyright © SmartPetPet

Smart Pet Pet 成立以來一直提供世界各地有用的寵物資訊,並以寵物最 Smart、有趣、可愛、治癒的一面為大眾提供正能量。 我們亦會為大家介紹及比較最新、最潮的寵物用品,讓至 Smart 的您有最佳選擇。

關於投稿內容、查詢廣告合作、分享有關毛孩的新聞稿,歡迎隨時聯絡我們!