今天要同大家介紹嘅係，擁有稱號「盛世美顏」嘅一線明星……布偶貓！而「布偶」係大眾普遍都知道嘅品種貓，佢憑住其超高嘅顏值，再加上「像狗一樣」溫柔婉約嘅性格圈粉無數，一直都好受貓奴們嘅歡迎。今日小編會同大家分享一下，布偶貓嘅「小秘密」~🤫 想知就快啲去睇啦👉🏻  

布偶貓（Ragdoll）

基本資訊

貓種：家貓

標準體重(成年)：男 – 約12-20 磅；女 – 約8-15磅

毛色：海豹色、朱古力色、藍色、紫丁香色、棕紅色、奶白色

特徵：長毛、藍色、頭形呈三角形

聰明指數★★★★☆

可愛程度★★★★★

健康管理★★★☆☆

初次飼養★★★☆☆

個性：溫順粘人

布偶貓嘅個性溫順好靜、親切，面對陌生人都能處變不驚，喜歡交朋友（探索）嘅佢哋同其他貓狗及人類都能相處融洽。而且布偶貓特別粘人，唔同一般貓咪一樣高傲，所以如果冇時間陪伴佢哋我話最好選擇其他貓品種，不然冇主人陪伴佢會過唔開心。

原來布偶貓「混種」？！

「布偶」品種，原來係由波斯貓（或土耳其安哥拉貓）與伯曼貓（或緬甸貓）產下嘅混種貓。而經過一輪培育後，形成咗現在嘅布偶貓，更喺1965年獲得美國認可，從而由混種變為名種貓。

原來布偶貓的腸胃非常脆弱？！

布偶貓嘅腸胃出咗名好脆弱，雖然唔係每隻布偶貓都係一樣，但大部分嘅布偶貓腸胃都唔太好。如果餵食不當嘅話，佢哋好容會有軟便，所以奴才們可以定期餵啲益生菌為貓貓調理腸胃，另外注意唔好喂太多零食呀。

 原來布偶貓都有好多種？！

布偶貓花紋主要分為3種，分別有：「雙色布偶貓」「重點色布偶貓」「手套式布偶貓」。而雙色布偶貓就係最為大家熟識嘅花紋，亦最為大眾喜愛嘅花紋。

以上關於布偶貓嘅「小秘密」，有冇為大家長知識呢～如果仲想知道更多關於其他品種嘅「小秘密」，歡迎留言話俾我哋聽啦!

Edit: Raysin