雖然食對狗狗嚟講好重要,不過仍然有好多主人喺餵食上遇到唔同問題或者壞習慣。好似狗狗成日將食物叼出碗外,無論點都改變唔到,令主人非常頭痛,究竟係咩原因狗狗要咁做? 係貪玩定係另有原因呢?
1️⃣天性
雖然狗狗已經馴化咗好多年,不過仍然保留天性,要知道狗狗喺野外生活嘅時候食物得來不易,分分鐘會比其他動物搶走,所以佢哋會習慣將食物收喺安全嘅地方先進食。
2️⃣藏食
由於狗狗祖先生活喺野外,好多時都係有一餐無一餐,於是就會將食物收埋,等到肚餓嘅時候可以拎返出嚟食!
3️⃣狗碗問題
主人要留意狗碗嘅物料,有啲狗碗特別係金屬材質,會喺狗狗進食時會發出金屬摩擦嘅聲音,一般狗狗對依類聲音比較敏感,所以會把食物叼出來。另外都有可能係狗碗有狗狗唔鐘意嘅味道,例如殘留嘅洗潔精等。
4️⃣貪玩
另一個原因純粹係狗狗貪玩,特別只有一隻狗狗嘅屋企,因為狗狗都會覺得無聊同悶,所以將食物叼出碗外再逐粒食翻,咁就可以打發時間解悶!
主人如果想改善狗狗嘅壞習慣,可以了解背後嘅原因再糾正,千祈唔好用打駡嘅方法。