狗狗貪玩又精力旺盛，好多時都會喺屋企大搗亂同搞各種破壞，雖然狗狗唔識講嘢，不過狗狗其實都知道自己做錯事同道歉，作為主人又分唔分到?
1️⃣ 收埋耳仔 + 無辜眼神
狗狗知道自己做錯事會收埋耳仔，再加一個無辜眼神，演技再好啲嘅會有少少淚光，好似同主人講: 我知錯喇，唔好嬲我鬧我，實行主動投案。
2️⃣ 匿埋扮唔知
有啲比較聰明嘅狗狗做完壞事驚比主人知道，會趕係主人發現之前匿埋，等主人嬲完之後就當無事發生。
3️⃣ 遠遠觀察主人
狗狗其實都識睇主人臉色，所以有時佢哋會遠遠暗中觀察主人嘅反應，再喺主人身邊低聲嗚咽或者對主人撒嬌，用手抓主人，其實依啲都係狗狗道歉嘅其中一種方式。
4️⃣ 不斷舔毛
好多時狗狗知道自己做錯事而心虛，為咗令自己安定落嚟會不停舔毛，狗狗試圖通過舔毛嚟緩解尷尬場面，內心狗狗已經知錯，希望得到主人原諒。
5️⃣同主人對駡
除咗賣萌扮慘之外，有時狗狗會同主人對駡甚至比主人更加惡，主人會以為狗狗死唔認錯更加嬲。但係主人唔好誤會，狗狗咁做係因為心虛所以扮惡，一於惡狗先告狀，其實佢哋內心不知幾驚，好想得到主人原諒。
雖然狗狗破壞力驚人，有時真係令主人非常頭痛，不過狗狗都係一時貪玩，作為主人最好慢慢教導狗狗，千祈唔好用打駡方式教訓狗狗呀!
相片來源: 網絡圖片
