好多唔熟悉狗狗🐶嘅人都以為狗狗吠叫就代表發嬲，但其實狗狗唔識講嘢，只能透過吠叫嚟表達情緒同要求，所以要了解狗狗就要分辨出唔同叫聲背後嘅意思。
1️⃣高音吠叫
一聲高音嘅吠叫通常是有要求，例如要求開門或者想食嘢, 如果係斷斷續續嘅高音吠叫，可能係玩嘅時候太開心興奮。通常音調越高代表興奮或不安；音調越低，警戒與威嚇的意味便越濃；而吠叫速度快就表示情緒激動。
2️⃣低吼
聲音好似係由喉嚨或者胸腔發出嚟，通常音調比較低沉，意思大概可能係「你走開！唔好行埋嚟 !」、「你咁樣令我好唔舒服，你唔好再咁做！」、「你令我好驚 …..」。
3️⃣哀鳴
如果唔小心踩到或者整痛狗狗，牠們會突然高聲尖叫，表示痛楚，而極度恐慌或者受傷唔舒適都會持續哀鳴。
4️⃣嗥叫
通常狗狗係呼喚家庭成員，常見係狗狗獨自喺屋企感到焦慮，或在野地生活嘅狗狗都會嗥叫 。
資料來源:www.cactusndogs.com
