之前同大家報導過汪界資優生,有啲狗狗未必上榜,不過聰明又唔代表好脾氣,今日同大家講吓五種脾氣好嘅狗狗,主人快啲睇吓有無自己狗狗份。
1️⃣金毛尋回犬
堪稱汪界暖男榜首,金毛性格温馴,對任何人包括小朋友都非常熱情,而且仲特別識安慰人,好多時主人唔開心會第一時間察覺,而且仲會主動安慰主人,難怪排名第一
2️⃣拉布拉多
拉布拉多唔單止外貌同金毛尋回犬好似,連脾氣都差唔多,都是性格温馴,唔容易嬲,係三大無攻擊犬類之一。對陌生人相當友善,可以隨便模模,有好强嘅包容心。
3️⃣雪橇
雪橇雖然樣貌似狼,而且破壞力驚人,不過真正嘅雪橇只係有啲傻氣,而且性格友善親人,對小朋友都特別包容,有時仲會幫手照顧小朋友添。
4️⃣西摩
同西伯利亞雪橇、阿拉斯加雪橇犬合稱雪橇三傻,所以性格都好接近,平日總係傻傻但其實都係個性溫柔,對小朋友包容度高嘅犬種。
5️⃣比熊犬
一般嚟講大型犬比小型犬穩定,因為小型犬通常比較敏感、神經質。如果要數小型犬脾氣好嘅狗狗就非比熊犬莫屬,甚少聽到比熊犬咬人、發脾氣,算係小型犬中嘅乖狗狗。
相片來源: 網絡圖片