一提起兔仔大家除咗即時諗起不要吃兔兔之外，仲會諗起乜? 其實毛茸茸嘅兔仔外表可愛溫馴，有人亦會當係寵物，其中５個兔仔冷知識你又知幾多呢?
1️⃣兔仔主糧唔係紅蘿蔔，一講起兔仔都會即時諗起紅蘿蔔，但其實兔仔係草食性動物，佢哋主要嘅糧食比例應係草，蔬菜同兔糧， 紅蘿蔔糖份好高，對兔仔身體無益。
2️⃣除咗聽覺敏銳，耳仔仲有散熱功能，兔仔嘅耳仔可以270度旋轉，可以聽到2英哩以外嘅聲音，而且耳仔仲有另外一個功能 — 散熱，耳仔面積大夏天可以快速降溫。
3️⃣360度無死角視野，兔仔除咗有驚人聽力，佢哋仲有超闊視野，兔仔可以睇到前後左右上下嘅物件，要接近佢哋真係有啲難度。
4️⃣牙齒會每年生長，由於兔仔以雜草為主，好多時植物仲係難以咀嚼，某程度上會令牙齒損耗，所以兔仔嘅牙會好似人類嘅指甲咁生長㗎!
5️⃣兔仔會跳舞，如果你見到兔仔突然跳到半空中翻滾，咁其實係兔子開心嘅表現，原本遺傳自兔子喺野外生活時的靈活性自我鍛煉，除咗避開敵人仲可以吸引異性，不過寵物兔就唔需要避開敵人，反而係開嘅一種表現添！
