好多主人經常都話別人的狗總唔會令人失望，其實每隻狗狗智商都唔同，就算同一品種都可以差好遠，要知道自己狗狗智商高唔高，可以靠幾個行為去判斷，主人快啲睇吓自己狗智商有幾多喇~
1️⃣ 定點排泄
聰明狗會識得係固定位置去廁所，相反智商低嘅狗唔單止唔會定點排泄，仲可能係自己食飯或者休息嘅位置排泄
2️⃣認得主人
狗狗對自己主人、曾經對佢好或者非常差嘅人都會記得，如果你已經養咗狗狗一段時間，但佢仍然唔認得你，咁狗狗智商就可能比較低。
3️⃣知道自己犯錯
聰明狗狗服從度高，雖然有時會故意搗亂激到主人好嬲，不過智商高嘅狗係會知道自己犯咗錯嘅，然後仲會扮可愛等主人消氣。如果你家狗狗犯完錯都唔知道自己做錯事，可能智商就有啲低喇~
4️⃣護食
雖然狗狗被馴化已經好耐，不過某啲天性仍然保留，護食雖然對主人非常困擾，但某程度上都反映狗狗智商，聰明狗狗明白食物嘅重要性，所以會時刻防範其他狗狗搶食。不過如果狗狗為咗護食而咬傷主人，就需要加以糾正喇!
5️⃣對陌生人過於熱情
聰明嘅狗基於天性會對陌生人加以防範，如果唔提高警覺可能生命會受到威脅，相反無咁聰明嘅狗狗會對陌生人毫無防備，過份熱情添。
其實每隻狗狗都有唔同性格，就算狗狗真係無咁聰明，都可以透過後天訓練慢慢教出聰明狗狗，主人記得俾多啲愛同耐性俾狗狗呀!
相片來源: 網絡圖片
