狗狗熱情係人都知，不過好多養狗嘅主人都話狗狗好黏人，無論去廁所定係瞓覺都要跟實主人，一刻都分離唔到，究竟係狗狗太依賴定有其他原因呢?
1️⃣狗狗想保護你
狗狗有護主天性， 而且服從忠心，一旦認定你就會用盡方法保護你，喺狗狗心目中，主人去廁所同瞓覺嘅時候最脆弱，容易受到襲擊，所以一定要跟住你、保護你。
2️⃣狗狗喜歡你
狗狗世界非常單純，只要主人對佢好佢一定會知道，如果狗狗經常黏實你，甚至連瞓覺都要跟你一齊，就証明狗狗非常喜歡你，片刻都唔想分開。
3️⃣狗狗本身性格
的確，有啲狗狗性格比較親人，對主人非常依賴，所以無時無刻都想跟喺主人身邊，所以當主人一返到屋企就會跟實主人，主人千祈唔好嫌棄狗狗呀!
4️⃣習慣主人的味道
狗狗嗅覺敏銳，對於主人嘅味道非常熟悉，有研究顯示主人嘅味道可以令狗狗放鬆，有安全感，所以同主人一齊瞓覺會令狗狗覺得安心。
5️⃣天氣太凍
雖然狗狗祖先係野外生活，不過佢哋都會揀地方瞓覺，主人嘅床又暖又舒服，狗狗特別喺天氣凍嘅時間自然會走入主人被窩啦!
相片來源: 網絡圖片
