【大喵降落大帽山 巨型貓壁畫成打卡新熱點】
近日有行山友分享咗一張貓屋相，隨即引起網民熱烈討論，好多人仲專程上山尋找隱藏喺深山嘅貓屋。 其實依間貓屋係一幅巨型壁畫，位於大帽山效野公園近山頂嘅一間石屋牆上，貓貓係由一位俄羅斯街頭藝術家Vladimir Boldyrev 畫嘅，由於巨型壁畫係深山太突出，吸引咗唔少行山友影相，亦意外地變成打卡熱點。 壁畫上嘅貓喵似躺非躺，露出腳掌上兩個粉紅色肉球，就好似瞓喺紙箱入面，貓樣佻皮可愛，難怪吸引咗咁多人慕名而來。係貓屋嘅側邊有一排白色腳印，感覺真係好似貓貓自己爬咗上嚟咁。值得一提嘅係貓屋嘅後面，都有一幅由本地街頭藝術家畫嘅老鼠壁畫，如果去開貓屋嘅話，不妨行埋去後面睇吓、打卡。
其實大帽山一向都係行山熱門地，雖然係香港最高嘅山，但由於交通便利，喺荃灣西搭51號巴士就可以出發了，難度可算低。係山頂仲可以180度俯瞰元朗、錦田一帶嘅風景，如果天氣好仲可以遠眺深圳，絕對係週未好去處。
行山好睇體能，記住量力而為，如果帶寵物上山嘅話，緊記加牽引帶以防走失!
圖片來源: IG@3230_one、網絡圖片
