狗狗唔識講嘢,平時主人都係靠狗狗各種肢體語言或者唔同吠叫聲去判糾斷狗狗心情同狀態,所以熟悉狗狗身體語言係非常重要嘅,伸懶腰可算係狗狗平日常做動作,當中又有咩意思呢?
1️⃣伸展筋骨
狗狗同人一樣,坐得耐或者瞓醒都需要拉吓筋骨,伸展一下,伸懶腰可以令身體放鬆,有舒展筋骨同關節嘅作用。
2️⃣信任你,喜歡你
狗狗對住你伸懶腰代表喜歡你,信任你,係對你一種認可同信賴,証明主人同狗狗關係非常好
3️⃣一齊玩
狗狗開心嘅時候會前腳趴喺地,屁股高高蹺起,就好似伸懶腰嘅姿勢,其實狗狗想請你同佢一齊玩
4️⃣生氣或者準備攻擊
如果狗狗前腳趴喺地,屁股高高蹺起,但同時發出 ‘胡胡’ 聲,就代表狗狗嬲了,有機會準備攻擊,主人依個時候就要小心,唔好再刺激狗狗。
5️⃣唔舒服
如果狗狗長時間處於前肢趴下、加上無胃口,精神不佳,主人就要馬上帶狗狗去睇醫生,狗狗有可能肚仔唔舒服或者其他疾病,為咗舒緩疼痛做出伸懶腰嘅動作。