雖然毛孩成身毛,不過一到冬天主人都會擔心佢哋會凍,到底毛孩真係凍定係主人覺得凍? 如果毛孩有以下行為就可能真係凍喇!
1️⃣ 蜷曲身體
動物蜷曲身體除咗可以保存體溫,仲可以保護肚仔,因為肚仔嘅毛毛比較稀疏,蜷曲身體可以減少體溫流失。
2️⃣發抖
毛孩發抖可以由好多原因造成,如果主人排除健康問題後,就可能因為太凍而發抖了。
3️⃣減少活動不愛動
為咗減少能量消耗同保持體溫,毛孩會減少活動,如果平時愛活動嘅毛孩,忽然間唔鐘意走動就要留意吓毛孩嘅狀況。
4️⃣手腳,耳尖冰冷
想知毛孩係咪凍,最直接嘅方法就係摸吓手腳同耳仔,如果手腳,耳尖摸上去冰冷就代表毛孩覺得凍,依個時候主人就要幫佢哋保暖啦!