人人都話貓咪高傲冷漠，就算養咗好耐平時都未必理會奴才，不過有研究顯示其實貓咪有276種表情，只係奴才未必睇到明，而誤會貓咪高冷。
美國研究人員勞倫斯科特（Lauren Scott）和布列塔尼（Brittany N. Florkiewicz）用咗一年時間觀察一間貓貓Cafe 入面嘅50隻貓咪，發現貓咪表情係由 26 種唔同臉部運動組合而成，而表情仲有 276 種添。其中 45% 代表友好、37% 具攻擊性，其餘18% 係無法分辨嘅表情。 對於無法解讀嘅表情，研究人員只能夠推斷、猜測，例如飛機耳、瞇起眼睛、發出嘶嘶聲代表憤怒，但對於貓咪之間先有嘅微妙交流，目前為止仲係一個謎。
其實貓咪除咗透過表情，身體其他部分好似眼、耳、口、鼻、尾巴甚至鬍鬚都隱藏咗貓咪嘅心情，研究人員都籠統歸納咗幾點，例如貓咪耳朵同鬍鬚向前、眼睛閉上，大多係友善嘅表現，如果瞳孔收縮、耳朵扁平同埋舔嘴唇，可能就具有攻擊性。
各位奴才不妨多啲留意主子表情嘅變化，或者可以發掘到主子不為人知嘅一面呢~
相片來源: 網絡圖片
