大埔小白鷺Lake House 每逢節日都會有特別佈置，今年就以歡樂馬戲團聖誕節做主題，化身成湖畔聖誕小鎮，而且仲係寵物友善，絕對係人寵聖誕打卡必到嘅好地方~
未入到餐廳範圍，已經見到戶外十米高巨型嘅聖誕樹，後面仲有一個充氣聖誕老人爬上屋頂準備派禮物，遠遠望過去已經感受到濃濃嘅節日氣氛，加埋唔同嘅燈飾砌成嘅燈海，想同毛孩影靚相絕對無難度。如果想近距離欣賞聖誕樹同湖畔風景，可以乘坐聖誕老人雪橇，而且仲有攤位遊戲同工作坊，唔單止毛孩就連小朋友都可以一齊玩~
湖畔十米高巨型聖誕樹，背後仲有充氣聖誕老人，充滿濃濃節日氣息。
除咗巨型聖誕樹，仲有唔同燈飾，啱哂同毛孩打卡~ 活動資料: Lake House 地址：大埔滘紅林路2號白鷺湖互動中心 時間：聖誕至新年期間下午6點至晚上11點 (最後入場時間：22:00)
相片來源:@lakehouse.hk @_tinymori_ & _tinytato_
