第 18 集《Pet 奴騷》,我哋有幸請咗 ViuTV 藝人 Helen 譚凱倫同佢嘅主子MitMit 做嘉賓。雖然 MitMit 係 Helen 同前度嘅戀愛遺物,但係 Helen 無因為咁而放棄 MitMit,反而仲對佢不離不棄,寵愛有加,令 MitMit 從此成為一個有人愛錫嘅幸福嘅小王子。
前陣子, ViuTV 嘅一個寵物旅遊節目《飛不甩家毛》,主持人 Helen 仲帶同 Mitmit 遠赴德國及法國進行共 16 日嘅拍攝。Helen 坦言此行深深感受外國對待寵物嘅權益及制度均非常完善。「喺德國,養狗真係要考牌先養得㗎,香港絕對可以傚法下人哋嘅做法。
另外,同 MitMit 喺歐州最令 Helen 驚訝嘅係,就算係巴黎名店街香榭麗舍大道 (Avenue des Champs-Élysées) 嘅名牌店,佢哋原來全部都畀狗狗內進㗎。「當日我只係孭住個布袋、著住對拖鞋行入去,擺明買唔起名牌嗰隻,但係店員見到我同 MitMit,佢哋好友善咁主動拎水畀 MitMit 飲,畀著喺香港,相信呢件事絕對係唔會發生。」
訪問同場加插幻想題 – 「如果 MitMit 真係一個男人,究竟 Helen 會唔會鍾意佢呢?」想知 MitMit 聽到之後有咩反應?大家切勿錯過喇!