天氣開始轉涼,可以幫主子盡情扮靚靚嘅季節又嚟嘞!最近,小編最常收到身邊嘅狗友嘅問題係:「邊度有狗狗靚衫賣,除咗淘寶?」有見及此,小編又係時候做嘢喇!想狗狗著得靚靚咁過節,睇下小編幫你哋搜羅嘅 style 啱唔啱你哋嘅主子吖!
可愛絨毛球背心 (Aipet Airline;HK$299)
一望就知個質料舒服,同好似好保暖咁;仲有朵咁趣緻嘅小丑帽仔,巧「卡歪依呢」!
型格燈芯絨背心 (Aipet Airline;HK$279 – HK$309)
呢件燈芯絨背心有企領設計夠曬保暖;背心配上漁夫褸款嘅鈕扣,真係型到爆燈!
學院風針織背心 (Aipet Airline;HK$209 – HK$249)
著咗呢件超有書卷氣嘅針織背心,超級奀皮仔都變斯文書生啦!設計仲有啲 Comme Des Garçons feel 添,即刻貴氣曬!
聖誕鹿耳造型背心 (Aipet Airline;HK$389)
呢件超輕身羽絨 feel 背心仔著咗都唔覺得雍腫,完全唔阻礙狗狗活動;Cutie 嘅聖誕鹿耳設計,同朋友仔開 Christmas party 著啱曬啦!
寵物牛津藍洋服圍兜 (Momoji;HK$318)
聖誕節要同主人出席大小場合,點都要執正啲嘅,無返套 formal 嘅三件頭老西,同唔打返條呔點似樣呀!
寵物草莓紅節日圍兜 (Momoji;HK$188.1)
草莓紅色嘅節日圍兜,不論聖誕或者新年都啱洗啦!圍兜用 bling bling 嘅寶石嚟做鈕仔嘅裝飾,成件事當堂高級曬呀!
寵物紅白間紋節日頸巾 (Momoji;HK$112.1)
除咗衫仔之外,冬天又點可以少咗條冷頸巾㗎!入到室內無咁凍,圍條頸巾同主人影相都唔洗驚會焗親。
MY BANDANA 聖誕限定蘇格蘭格仔圍巾 (Pat a Pet;HK$160)
呢條蘇格蘭格仔圍巾係 “Customize It” 定製系列,可印上主子嘅英文名 (可印 7 個英文字) 。戴上一條屬於毛孩嘅專屬圍巾,去街街一定特別搶眼啦!
寵物中長䄂樽領 tee (Pat a Pet;HK$240)
選用韓國直送針織布料,95% cotton + 5% Spandex 質料,柔滑親膚同時有良好彈性,質感舒適,無阻主子去街街瘋狂奔跑!
寵物橫間上衣配頸巾 (Pat a Pet;HK$350/套)
每個人衣櫃入面必定有一件百搭嘅橫間衫嘅,主人有一件,狗狗當然都要有一件啦!橫間上衣配上粒粒絨毛毛領巾,同主人襯埋一 set 夠曬搶鏡啦!
Tie It Yourself 碎花領結 (Pat a Pet;HK$158)
特別版嘅 Tie It Yourself 領花用上英國著名碎花 Liberty London 布料製成,配上韓國洗水靚色棉布,色 tone 甜美得嚟又有少少復古風,係個超級 girly 之選,小編自己都想要呀!
聖誕限定 Toy Story 西部牛仔裝 (yuandmi.dogwear;HK$328起)
不論男仔走定女仔,聖誕節都要扮下靚應下節嘅!呢 set 聖誕限定嘅胡迪同牧羊女裝,造工精緻之餘,上面嘅 Christmas 小冷織裝飾仲夠曬節日氣氛添呀!