法國從 2024 年起將禁止寵物店出售寵物，以防止貓狗被遺棄。
根據參議院月前通過嘅一項新動物福利法案，只有已獲批合資格牌照嘅 breeder 及收容所先可以出售貓狗或進行領養活動。
買家或領養人士更需簽署一份承諾書，以保證及後能滿足該動物嘅生活需求；而購買亦設 7 日冷靜期，畀足夠時間買家認真思考購買該動物是否屬一時衝動，以減少因 impulsive buying 而棄養嘅個案。
寵物食品行業協會表示，法國有近 2,200 萬隻寵物貓狗。但據動物福利組織稱，每年有近 100,000 隻被遺棄，棄養個案數字亦有遞年上升趨勢。
除以上所提及嘅一項新動物福利法案之外，參議院更希望盡快一致通過另外兩個一直爭議性極高嘅議案 – 於 2026 年起，禁止海豚及鯨魚表演；並從 2028 年起，禁止喺巡迴馬戲團中使用野生動物。
資料來源: The Guardian
