雖然呢則新聞已經係數年前發生嘅事，今日小編想重提，係希望再次喚醒主人唔好遺棄寵物！請大家幫忙轉發，倡導以領養代替購買！
美國 Montgomery County Animal Shelter 動物收容所喺 fb group 分享咗一張照片 – 一名志工攝影師舉起相機，一隻眼瞄準鏡頭，另一隻眼就流緊眼淚，神情悲傷。究竟佢幫緊邊個影相，令佢會影影下流眼淚？
佢正在為一隻即將安樂死嘅狗狗影相…
鏡頭前面嘅狗狗，當然唔知道自己嘅命運即將被迫終止，於是喺鏡頭下，佢仍露出平日燦爛嘅招牌笑容 – 就係以前疼愛佢嘅主人幫佢影相時展露嘅嗰個笑容。
佢已經學會乖乖地咁坐喺相機面前，擺出招牌動作，只可惜當初嘅主人已經遺棄咗佢，佢亦即將告別呢個世界…
每隻喺收容所嘅狗狗都被定下咗 12 日嘅生存期限。過咗暗黑嘅 12 夜，如果無人願意收養佢哋，佢哋就將被安樂死。
你可能無辦法領養，但係你可以資助；你可能無辦法資助，但是你可以傳播領養訊息；你可能無辦法傳播訊息，但係你可以教育身邊人 – 以認養代替購買。
資料來源：Right Pets
