你哋信唔信貓貓真係有第六感，可以預知天災人禍㗎呢？
我哋呢條短片改編自真人真事。故事講述女主角近排屋企樓上裝修，貓貓感應到裝修所產生嘅震動會令天花燈即將跌落嚟。佢不停示意叫主人離開梳化位…未幾，天花燈真係跌咗落嚟，女主角感激貓貓及時叫佢走開，如果唔係後果真係不堪設想…
小編亦睇過台灣一篇貓貓預知地震嘅新聞：一個獨居嘅女仔發現貓貓突然行為異常，每當佢坐喺書檯面前，貓貓都係咁抓佢，一日仲抓到佢大脾流血，初時只係覺得貓貓好曳，及後台灣發生地震，呢個女仔屋企嘅天花塌咗落嚟，而書檯位置更被壓至粉碎。呢個女仔到嗰刻終於明白貓貓抓佢嘅用意。
