前陣子美國寵物食品公司 Mars Petcare 搵咗 1000 名貓主同 1000 名狗主做統計做咗個有趣嘅統計,了解下貓奴同狗奴喺職業、收入同日常喜好等方面有咩唔同。
最有趣嘅一項調查結果係,貓奴原來大多係鍾意睇書藝文青,狗奴大多係外向嘅金融才俊。
職業
貓奴:大多從事創意行業。
狗奴:大多從事金融行業。
收入
貓奴:平均年薪為美金 4 萬元。
狗奴:平均年薪為美金 4 萬 7 千元。
開支差別
狗奴每月平均比貓奴花喺服裝、飾物嘅洗費約高出 33%,而花喺娛樂上就高出 26%。
喜歡電影類型
貓奴:紀錄片、歌劇、獨立電影。
狗奴:恐怖片、動作片。
日常興趣
貓奴:較鍾意靜態活動如睇書、寫作、種花。
狗奴:較鍾意做運動、做瑜伽、跳舞、外遊。
另一有趣發現係,美國高淨值資產人士 (簡單講即係美國嘅有錢人啦!) ,原來傾向鍾意養馬 (39.6%) 多過養狗 (33%)。
以上統計結果只反影美國寵物市場,同埋其實 sample size 未夠大,未必能夠反影真實情況,小編覺得結果純粹有少少得啖笑嘅!唔知如果喺香港做一個咁嘅統計,結果又會如何呢?
資料來源:CNBC