美國德州一位律師 Rod Ponton 日前參與一場視訊庭審時，因為開啟咗 Zoom 嘅濾鏡，結果人面變成「貓樣」。佢一時間唔知點熄濾鏡，就好慌忙咁同法官講：「我本人喺度，我唔係一隻貓！」友善嘅法官毫無怒色，隨後喺 Twitter 建議民眾，如果電腦畀屋企嘅小朋友用過，視訊會議前記得先檢查濾鏡。法院將影片發布咗上 YouTube，短短幾個鐘就吸引咗逾百萬次點擊，有網友留言話自己「笑到標眼水」。
片段入面，法官 Roy Ferguson 見狀，以嚴肅又帶憐憫嘅語氣講：「Mr. Pondon，我諗你開咗影片設定入面嘅濾鏡。」嗰一刻，畫面右下角嗰隻白色小貓眼神驚慌，顯然係急住搵番螢幕上嘅濾鏡按鈕。貓咪帶住悲傷嘅表情，不知所措咁開口：「你聽到我講嘢嗎，法官？」法官話：「我聽到你把聲，但係我見到嘅係一隻貓…」
「貓面律師」Pondon好驚青咁回答：「知道，但係我唔知點去除濾鏡。我助理都喺度，佢試緊點樣移除，但係我已經準備好用自己個樣繼續開庭喇。」幾秒後，Pondon 如釋重負：「我本人喺度，我唔係貓嚟㗎！」法官 Roy Ferguson 輕描淡寫咁回答：「我睇得出。」
法官 Roy Ferguson 事後喺 Twitter 發帖表示，呢個趣味時刻係「法律專業人士努力確保司法體系在艱難時刻仍持續運作」嘅附帶結果，「所有牽涉其中嘅人士都帶住尊嚴應對，受濾鏡影響嘅律師亦都展現出了不起門嘅優雅態度同無比嘅專業！」
資料來源：nytimes
