內地有一間寵物美容店嘅美容師將自己用單手揸住小狗嘅頸椎令佢不停奮力掙扎嘅片放上微博,貼文上寫:「狗狗是天生體操高手!來!托馬斯全旋!」。貼文一出,內地網民留言「笑出眼淚」、「哈哈哈」、「太逗趣了」等逾三千幾則留言。
日前,台灣聯合網 UDN 轉貼發文,隨即引來大量台灣網民大力批評:「虐待動物可恥」、「美容師毫無同理心及職業操手」、「冷血無人性」,網民更強烈要求 UDN 立即將該短片下架。
小編睇完條片之後,首先想問有咩咁好笑?其次係,咁樣捉住小狗嘅頸椎嚟玩又係唔係一個專業寵物美容師嘅所為呢?見到小狗咁慘被公開欺凌,除咗心痛,亦只有心痛。真係完全笑唔出…點解有人見到仲可以笑得出,簡直係令人心寒呀!
香港一眾寵主,你哋對呢件事又有咩睇法呢?
虐狗片段傳送門:www.facebook.com/watch/?v=1752497998262022
影片來源:Weibo