來自英國嘅 10 歲拉布拉多犬 Monty 一向鍾意同主人 Carlos Fresco 一齊行山。一有時間，Fresco 就會帶同 Monty 一齊去探索全國嘅山丘。近年，Monty 身體開始虛弱，頻頻出毛病，Fresco 知道 Monty 時日無多，所以決定再一次帶住 Monty 去佢最鍾意嘅布雷肯比肯斯國家公園山脈 (Brecon Beacons National Park)，同佢一齊享受最後一次登上 Pen y Fan 頂烽嘅旅程。
因為 Monty 行動不便，Fresco 需要用到手推車推 Monty 上山。沿途唔少行山人士都同 Monty 打招呼及想了解 Monty 嘅身體狀況。「唔少行山人士都非常友善，雖然大家素未謀面，但係佢哋好多都願意幫忙推 Monty 上山，同佢分享最後一次旅程。非常感謝所有喺山路上護送 Monty 上山頂嘅善心人。」
同白血病鬥爭咗 18 個月之後，Monty 喺月前病世，而登上 Pen y Fan 頂烽亦係佢同 Fresco 一齊享受嘅最後一次登山旅程。Fresco 興幸自己喺 Monty 有生之年能夠同佢共同創造咗無數次登山嘅難忘回憶，特別係最後呢一次！
資料及相片來源：SWNS
