台灣一名做水泥工嘅網友一早返到工地時,見到未乾嘅水泥上面出現超多 (係超多) 狗狗腳印,嚇到目瞪口呆,連忙影低 post 上 facebook 群組並頭痛表示:「琴晚呢度到底有幾熱鬧?有人可以還原真相嗎?朝早返嚟見到面都青埋!畀老闆見到點算?」
網友睇到紛紛笑到肚痛表示:「可能水泥夠軟,踩起嚟有療癒感,所以狗狗呼朋引伴過嚟踩~」、「似乎玩得超 high」、「一定係嚟開 P!」,但亦有網友覺得腳印地板超級可愛,建議事主:「由佢啦,打磨一下反而幾有特色吖!」
大家又點睇?
資料來源:爆廢公社