印尼城鎮馬老奇 (Merauke)，一名狗主 Achy Wijaya 朝早起身準備出門，發現狗狗毫無生氣咁側瞓喺大門口嘅花園度，仲口吐白沬。Achy 記得夜晚聽到狗狗吠得特別厲害，但無特別為意發生咩事，只係以為可能有貓貓經過佢先吠得咁犀利。
當地警方調查之後，發現狗狗係被故意畀人落藥而中毒嘅，附近知情街坊表示：「琴晚有兩個形跡可疑嘅男子喺 Achy 門外徘徊，亦聽到狗狗一直向佢哋大聲吠咗好耐。」及後，警方發現 Achy 門口曾經有被撬過嘅跡象。警方揣測：「兩名賊人原本想撬門入屋打劫，但狗狗不停吠以喝止賊人，吠聲響遍全村，附近街坊都被驚醒，賊人就向敗佢哋好事嘅狗狗施毒，再匆匆逃離現場。」
Achy 喺狗狗臨終前不停撫摸住佢，狗狗更落淚與主人道別。狗狗最終等唔到救護車去醫院急救，喺主人懷抱中去世。Achy 傷心欲絕，且十分自責：「實在十分後悔琴晚當佢吠嘅時候，我無行出去睇…如果有，可能佢就唔洗走…」
資料來源：zenoonee
