大家可能有所不知,東奧馬術項目進行期間發生咗一宗意外:瑞士選手 Robin Godel 嘅馬匹 Jet Set 跑到水槽障礙物時受傷,右下肢近蹄位置嘅韌帶斷裂,預料將無法康復。 日前,經馬主、騎師與獸醫商討之後,出於人道理由,決定畀 Jet Set 安樂死
Godel 喺 IG 表示,與 Jet Set 喺 1 年前開始成為拍檔,彼此為東奧而努力練習,Jet Set 因韌帶斷裂而倉促離開,令佢心情難以平復,希望外界畀時間同空間佢沉澱心情。
歷屆奧運馬術賽事其實周不時都有馬匹受傷嘅事件發生,馬術障礙賽對馬匹黎講其實非常危險:參賽選手需要喺短時間內迫使馬匹喺濕滑嘅地面上繞過危險路障,冒住令使馬匹受傷或死亡嘅風險贏獎牌。
網民紛紛憤怒炮轟奧委會,希望日後可以廢除馬術障礙賽及所有殘害動物嘅「運動」:「人類的貪念反而讓馬受苦受難!只要有一日不取消賽馬,那麼對馬來說永遠是災難」、「賽馬只不過以動物生命來作賭注,即使羸了多少獎牌,多少獎金,到了某年紀要退休時,也是給牠們安樂死,幾曾有過安享晚年到終老?支持罷停殘酷動物競賽,終止物種歧視,還所有動物自由及生命權益」、「眾生皆是命,我們不需要再有任何一隻為人類比賽及表演的動物」。
資料及圖片來源:FB @petaasiachi ; @Robin Godel