月前，澳州新州西北部有數十隻流浪狗被當地嘅議會處死，引起全球民眾震怒。議會嘅解釋係為咗保護社區，免於 COVID-19 嘅威脅。
據 7 News 報道，該區議會對數十隻流浪狗實施安樂死嘅目的，係為咗阻止該州中西部 Cobar 一個違反「抗疫令」嘅動物收容所義工團隊前往接走流浪狗 (當中包括一隻母狗及佢嘅狗 BB)。該議會解釋，將流浪狗安樂死符合目前嘅防疫令，議會以保護社區，令弱勢原住民免受 COVID-19 感染嘅風險為大前題，所以必須咁做。
有關流浪狗被殺死嘅報道已傳出國際，並引起全球廣大網民震怒。英國喜劇演員 Ricky Gervais 將該議會形容為 「Stupid cunt」；英國足球傳奇人物 Gary Lineker 表示：「可恥、荒謬」；亦有網民留言：「殺死收容所入面嘅動物，令有心領養動物嘅人再無原因前往收養佢哋，絕對係史上最野蠻嘅邏輯！」
資料來源：7 News
