美國總統拜登 (Joe Biden) 兩隻德國牧羊犬 Major 同 Champ 喺 1 月下旬正式遷入白宮居住。日前,美國有線電視新聞網 CNN 報導,拜登嘅其中一隻愛犬 Major 企圖攻擊並咬傷一名白宮工作人員。
白宮發言人 Jen Psaki 表示,白宮醫療小組已處理傷者嘅傷勢,傷者並唔需要進一步治療。被記者問及係咪能夠保證 Major 唔需要被安樂死時,Psaki 回應:「當然唔會!Major 係總統嘅家庭成員,所以我可以向你保証。」
拜登現時已將兩隻愛犬送返 Delaware 州嘅老家,由佢家人同朋友代為照顧。
未發生呢件「咬人事件」之前,其實 Major 已經闖過禍㗎喇!拜登上任之前,曾經同 Major 玩嘅時候畀佢整跌,診症後發現腳踝骨裂,成 78 歲高齡嘅拜登咁跌法,真係令人嚇到一額汗呀!
資料來源:CNN