四年前意大利中部發生強烈地震時，一位名叫 Dora 嘅老婆婆喺災難中失去一切。佢唔單止喪失自己嘅家園同財產，仲失去埋佢視之為家人嘅愛貓。
貓貓失踪四年後，及至前陣子，貓貓奇蹟突然返番嚟。Dora 估唔到地震四年後居然可以同愛貓重聚。重遇時，Dora 同愛貓互相輕碰額頭相認，佢哋為時隔四年終於再次重聚顯得欣喜若狂。
貓貓雖然離開咗咁長時間，但係睇起上嚟肥肥白白，好健康。無人知道貓貓過去四年去咗邊，但係好明顯嘅係，佢旅途中嘅伙食一定好好。
資料及相片來源：Pawsplanet；FB @mimmabei
