每年年尾，唔少中女 (包括小編在內) 都係等緊呢一日！就係一班「爆肌」澳洲消防員出月曆呢一日喇！今年，佢哋一如既往咁大騷胸肌、結實 eight pack 同誘惑人魚線嚟拍攝月曆照，2021年仲用強勁有力嘅臂彎抱起可愛嘅小動物，展現鐵漢柔情嘅一面 (悄悄話：小編好想做嗰隻畀佢哋抱起嘅小動物囉！) 。
佢哋咁搏打大赤肋又 show 肌又盛咁樣，其實目的只有一個 – 就係為澳洲野生動物籌建醫院，並為過往受到叢林大火影響而喪失自然棲息地嘅野外動物重建家園。為慈善可以去到咁盡，淨係呢一點已經值得向佢哋致敬啦！我哋香港打工仔成日好興有句口頭禪：「打份工啫！洗唔洗做到咁呀！」你睇下人哋澳洲啲消防員？幾咁敬業樂業呀，真係要好好向佢哋學習呀！
講番個月曆先啦！2021 年，佢哋除咗精心炮製咗 6 個版本之外，製作部見反應咁熱烈，今年仲加推咗人型抱枕等嘅周邊產品添，引死人咩衰鬼！係咪睇到流晒口水呢？小編識做啦！唔洗講嘢，即刻畀度貨金傳送門你哋，自便：https://cutt.ly/Vjqi6ZN (月曆售價：約 HK$118)
仲未睇夠？見大家咁熟，畀埋佢哋拍攝當日嘅花絮過你睇埋又點話吖！
