日前,愛貓之人周慧敏 (Vivian) 嘅寶貝貓 – 15 歲嘅花花離世,Vivian 凌晨喺社交平台上載咗一張同花花嘅合照,貼文寫上:「親愛的女兒花花,我們相約在那永恆的國度再見,永遠愛妳。2005.4.18-2021.1.13」。
Vivian 仲喺限時動態中分享今年元旦同花花相處嘅點滴︰「聽著妳能發出咕嚕聲,感動、溫暖!感謝妳來到我們的家,感謝妳的愛。」圈中好友 Zeno、Kimman、馬浚偉、方力申及粉絲都紛紛留言安慰。希望 Vivian 盡快走出傷痛,相信花花喺彩虹橋都想見到主人開心生活㗎,加油!