日前，台中東海大學花園內驚現可愛貓頭鷹。該貓頭鷹名為「領角鴞」，屬保育類動物。一位同學下午放飯時間經過花園嘅一棵大樹，驚見樹下有一團灰色毛毛球，驟眼以為羊毛氈公仔；仔細一睇，發現佢有微微郁動、仲有一雙水汪汪、眨下眨下嘅圓眼睛。
可愛嘅佢身體搖搖晃晃，望住人類發呆。東海大學教授受訪表示：「佢應該係幼鳥，猜測佢係從樹上跌落黎。佢應該正學習緊飛、準備離巢，目前程度可以飛落地，但未能飛返上樹」隨後有環工系學生合力將小貓頭鷹小心翼翼放返上樹枝上面。
同學將貓頭鷹影片放上大學專頁，唔少網民紛紛留言：「太可愛！貓頭鷹白天怎麼沒睡覺」、「還好平安回到樹上」、「哇，晃來晃去，大眼睛」、「爆錶療癒！希望在校園裡平安長大～」、「東海新吉祥物，以後教室會有貓頭鷹傳遞書信了」、「感受滿滿的愛和關懷～好溫馨」。
