來自澳洲墨爾本身長 120 厘米嘅緬因貓 Omar,可能是世界上最長嘅家貓。
主人 Stephy Hirst:「日前,健力士世界紀錄組織聯絡咗我,叫我發送 Omar 嘅身長數據畀佢哋,睇下 Omar 能唔能夠超越現時嘅世界紀錄。」目前嘅紀錄保持者係一隻來自英國西約克郡身長 118 厘米嘅緬因貓 Ludo。
倫敦嘅健力士世界紀錄代表日前已確認收到 Omar 嘅申請,只係需要確定資料無誤, Omar 就會明正言順成為「全世界最長嘅家貓」㗎喇!不過,主人 Hirst 表示,聲名大噪對 Omar 並唔重要。佢認為 Omar 比較鍾意悠閒嘅生活方式,「佢只係鍾意瞓覺同食嘢,對應酬人類唔多感興趣,相信佢只係想做一 隻平凡嘅家貓。」
資料來源:BBC News