以「淚眼悲情樣」聞名嘅外國網紅貓 BenBen，單憑佢嘅 sad face 坐擁 67.5 萬粉絲。不論有嘢食、收到物資或有街街去，佢都依然 keep 住一貫嘅慘慘豬樣。
月前，BenBen 主人 Sandy 同 Adam 舉行婚禮，BenBen 當然有出席啦！ Sandy 笑言：「婚禮當日，BenBen 當然成為咗焦點啦！攝影師畀返相我睇時，見到佢個 sad 樣同所有笑得好開心嘅客人相映成趣，真係好搞笑！雖然 BenBen 當日個樣依然咁憂傷，但係我知道佢內心充滿喜樂，想衷心祝福我同 Adam 㗎，當我抱住佢時，我真心感覺到！」
Sandy 將 BenBen 參加婚禮嘅相 share 喺 BenBen 嘅 IG 上面，旋即引嚟逾 14 萬讚好同過千則留言。睇黎喺呢個網絡潮流興「厭世苦情樣」嘅世代，擁有淚眼同覆舟嘴嘅 BenBen 真係會有排紅呀！
相片來源：ig @benbencatcat
