養狗係一個對狗狗嘅終生承諾，但係仍然有唔少不負責任嘅主人繼續棄養寵物。唔好彩嘅被棄養狗狗好多會餓死街頭；較好運嘅一群就會被送到去動物慈善機構暫養，但係被最信任嘅人拋棄背叛過，佢哋好多從此對人失去信任，唔敢再與人接觸…
幸好，社會上仍然有一班熱心嘅狗義工同領犬員 ，佢哋不辭勞苦咁照顧一班被棄養狗狗，義務帶佢哋出街散步「放電」，從而希望令佢哋慢慢重新與人建立番互信關係，為他日被領養做好準備。
今集，小編就帶大家嚟到元朗白沙村嘅 SAA 保護遺棄動物協會，認識 2 位領犬義工 Aureole 同 JJ，佢哋會同大家分享下點解當初會選擇做領犬員；同講下做領犬員嘅日常職責。另外，SAA 犬隻訓練師 Elaine 亦會喺片中示範點樣正確領犬去街街，有興趣做領犬義工嘅你，就記得要睇到片未尾喇！
地址：元朗白沙村一段
