位於俄羅斯聖彼得堡嘅 State Hermitage Museum 除咗擁有豐富歷史館藏之外，最出名就係佢哋館內被專門飼養用嚟捉老鼠嘅「冬宮貓」喇！
1741-1761 年間，彼得大帝將搜刮返嚟嘅藝術品珍藏放喺冬宮，並且將自己從荷蘭帶返嚟嘅貓喺冬宮內飼養，用嚟保護搜刮返嚟藝術珍藏，呢批貓就成為咗第一代嘅冬宮貓喇。
及至 1745 年，女兒伊麗莎白·彼得羅夫娜女王正式簽署「將貓送入皇室」嘅法令，引進一批個性沈實、善於保護領土嘅西伯利亞貓；呢群優雅嘅「藝術品守衛」，就咁喺俄國歷史上，成為皇室嘅一份子。
時至今日老鼠少咗，拎住「鐵飯碗」嘅冬宮貓依然住喺呢個皇宮入面，過住優雅愜意嘅生活。目前博物館地下室仍然有大約 50 隻貓，而冬宮博物館自 1998 年為咗令世人知道「冬宮貓」過往嘅成就，就開創一個名為「三月貓」嘅節日，喺宮內舉辦唔同嘅活動，例如「冬宮貓咪童話」兒童繪畫比賽，喺館內展出 40 多幅專為呢個節日創作嘅畫作。
