大家睇東奧，除咗留意各國小鮮肉之外，唔知大家有無留意呢位成熟穩重、滿面鬍鬚嘅台灣乒乓球傳奇老將莊智淵呢？
有「台灣乒乓球教父」之稱嘅莊智淵曾經最高世界排名第 3、喺倫敦奧運男單打入 4 強，並 6 度代表台灣參加亞運。今屆東奧首戰過後，佢喺社交媒體並未無分享賽後感，反而直言一心掛住喺家鄉嘅狗狗：「人在奧運首戰後仍心繫家中已老邁多病、曾經流浪的毛小孩們。」佢雖然身在東京，但仍不忘呼籲大家要多多支持台灣各地關懷流浪毛小孩嘅公益團體，以領養代替購買、領養不棄養，認真愛心爆棚！
此則帖文一出，旋即引起台灣球迷熱烈迴響，出 post 短短幾日，讚好數字已逾 15 萬，網民更留言大讚莊智淵「超有愛」、「鐵漢柔情」、「暖心大叔」、「台灣人的驕傲」！
唔講唔知，莊智淵除咗自己屋企有養狗之外，佢所經營嘅「智淵乒乓運動館」仲同時收養咗十幾隻流浪狗，連身在香港嘅小編都都忍唔住喺莊大叔 facebook 專頁中留言，向佢表達敬意！
資料及相片來源：Facebook @chuangchihyuan.com.tw
