俄羅斯一隻患病嘅貓咪 Andrew 喺主人揸車送佢去睇獸醫途中，突然緊握主人雙手。主人深信 Andrew 自知呢次會係自己最後一次去睇獸醫，所以想對佢表達不捨之情。
主人 Abherna 見到 Andrew 咁懂性，立時感動到流下男兒淚：「我一直當 Andrew 係我嘅兄弟，佢已經 15 歲半，過去一年佢身體經常出現毛病，周不時因為身體痛楚而哀鳴。」
Abherna 將 Andrew 緊握佢雙手嘅相片上載到 Twitter，並寫上標題：「我知道係時候了….失去摯親總令人傷心…」貼文感動無數網民，唔少貓狗奴紛紛留言：「睇到淚流滿面」、「畫面好感人」、「貓咪好有靈性」、向你同你嘅家人表示哀悼」。
及後，Abherna 送咗 Andrew 去到獸醫診所留醫無幾耐，Andrew 就喺睡夢中去咗彩虹橋喇…在此，希望 Andrew 喺彩虹橋可以識到新朋友仔，一齊快樂自由地奔跑，繼續默默守護住愛錫佢嘅主人 Abherna。
資料及相片來源：Telegraph
