集中精神揾出兩張圖第一個唔同嘅地方,以第一眼見到嘅為準,咁就可以從你嘅答案分析結果得知或者連你自己都唔知嘅潛藏性格喇!
.
.
.
.
.
.
結果分析:
1. 小狗左耳:細心、有創意
大約有 20% 嘅人會先見到小狗嘅左耳有唔同,呢類人好有諗法,好有創意,但係你並唔希望成為眾人焦點,所以對於自己嘅才華總係想顯得低調一啲,不過喺你內心深處,就將自我放喺好高嘅位置。此外,與生俱來嘅細膩同敏銳,好容易吸引到人想靠近你,認識你多一啲。
2. 小狗尾巴:智慧型、情緒起伏大、完美主義者
大約有 25% 嘅人會先見到小狗尾巴,呢類人通常智慧好高、聰明冷靜,同時亦係完美主義者。凡事都想掌控喺自己計劃之中,做任何事前都會事先有充足準備,字典裡無「臨急抱佛腳」呢句說話,不過呢類人情緒變幻莫測,上一秒笑臉迎人,下一秒就可能會發火鬧人。
3. 鮮花:本能型、直覺型
大約有 15% 嘅人會見到鮮花,你對人地講嘅大話好敏感,有過人嘅直覺,能夠一眼判斷出他人嘅企圖同背後目的,不過咁嘅特性,都令你好難向身邊人真正打開心扉。你平時對於周遭發生嘅事都唔太感興趣,唯獨你想專注做嘅事,你就會好有熱誠去做。
4. 小鳥:規律型
大約有 15% 嘅人會先見到小鳥,你唔鍾意人地打亂你生活嘅節奏,你有自己做事嘅節奏同步調,如果俾人打亂左,你會即刻心煩意亂。喺人地眼中,可能會認為你係個冷漠嘅人,只有熟人先會知道,其實你個性外冷內熱,反而係一個吸引人嘅魅力之處。
5. 太陽:耐性型、重感情
大約有 25% 嘅人會見到太陽。你好善良,而且好有人情味,喺家人同朋友眼中,你好似個太陽咁溫暖,而且充滿正能量,對於你認定嘅事情,總係會全心全力去投入,直到你得到想要嘅結果為止。