人哋成日話否極泰來,相信難挨嘅 2020 過後,2021 年一定會有好事發生!依家就憑你直覺揀以下其中一隻狗狗,睇下你「2021 上半年」又會行邊種好運!
- 摩天使
- 柴犬
- 貴婦狗
- 哥基
- 芝娃娃
***
心理測驗結果:
摩天使
選擇摩天使嘅你,2021 上半年會行「戀愛」運。
2021 對你而言係充滿粉色泡泡氣息嘅一年,你會不經意間認識到一位志趣相投嘅新朋友,仲有機會可以發展成為戀人。倘若你係有伴侶嘅,喺感情生活方面會相當甜蜜和諧。
柴犬
選擇柴犬嘅你,2021 上半年會行財運。
你將會遇到好多賺錢嘅機會,你身上會不其然散發出一股正能量,令財運開始向你靠近,但注意要好好學識妥善理財,如果唔係真係賺幾多都無用。
貴婦狗
選擇貴婦狗嘅你,2021 上半年會行事業運,有貴人相助。
職場上最大嘅難題從來都唔係工作本身,而係人事關係。2021 上半年你將會得到貴人相助,對方不單止喺事業上相當照顧你,亦會帶你認識唔少新朋友,多一個朋友就等於多一份人脈,好好把握同珍惜呢份緣呀!
哥基
選擇哥基嘅你,2021 上半年會行健康運。
擁有健康身魄體絕對係完成任何事嘅基礎!2021 上半年你會有個令你注意到身體響起警訊嘅契機,你會開始重視平日經常忽視嘅生活細節,知道調理身心嘅重要性,從而擁有健康同充滿生氣嘅生活方式。
芝娃娃
選擇芝娃娃嘅你,2021 上半年整體都「超級好運」。
2021 絕對係你嘅好運年,愛情、事業甚至人際關係,無論邊方面都會擁有「小確幸」!做事容易會有事半功倍嘅感覺。好好把握呢段時間,喺你想衝刺嘅領域好好努力,令自己更快成功達成目標啦!