https://www.youtube.com/watch?v=ma_Z4KEYrcQ
韓國高陽市一間小狗日託中心 Puppy Spring ( @puppyspring_) 專門訓練小狗服從性。訓練過後，日托工作人員會播放音樂以幫助小狗午睡。
工作人員趁小狗們午睡時拍低佢嘅嘅可愛睡相。佢哋好似托兒所嘅小朋友咁，一齊冚住被仔覺覺豬，畫面超級 kawaii！網片一出，引嚟過萬網民點讚！
好多網民都好奇點解狗狗會咁乖乖肯一齊瞓覺覺豬。日託中心負責人 Boram 表示，入嚟中心參加服從訓練嘅幼犬每朝早已經要參與唔同種類嘅活動，例如游水、戶外集體遊戲及各種交際訓練，所以及至中午，佢哋大多都玩到好攰，午睡時間唔洗特別氹嘅情況下佢哋好自然就會乖乖入睡。
將狗狗放入日託中心進行服從性訓練，每月費用大約由 HK$1,800 到 HK$6,000 不等，主要取決於狗狗需要留幾耐時間同參加幾多項課程而定。
資料來源：dailymail.co.uk
