第 20 集《Pet 奴騷》，我哋請到 2 位貌似具「攻擊性」嘅嘉賓上嚟，有請剌蝟界 KOL – 乞嗤小姐 (Chi Chi) + 呵欠小姐 (Ho Ho) (@hedgehog_sashimi) ！
佢哋嘅來頭真係唔講得笑，除咗 Facebook 同 ig 粉絲人數逾 5 萬，只係簡單出下可愛睡姿、得意造型 post 就輕易攞到過千個 like 之外 (相信已經惹嚟唔少人類 KOL 嘅羨慕同妒忌)，依家仲準備出埋商品嚟招呼一班瘋狂粉絲添呀，你話厲害唔厲害？
2 位 KOL 背後當然有位勞苦功高嘅「經理人」(主人阿德) 幫佢哋打點一切啦！阿德呻咗唔少佢湊 Chi Chi 同 Ho Ho 嘅辛酸野畀我哋聽：「最辛苦就係幫佢哋剪指甲！每次剪指甲都好似要同佢地搏鬥咁，搞到成身汗，慘過去做gym… blah blah blah (下刪 500 字)」
養剌蝟嘅辛酸同麻煩野真係都唔少㗎，有興趣養剌蝟嘅你，立即去片了解下可愛剌蝟背後嘅生活起居日常先啦～
鳴謝場地提供：Townplace Soho
