日前，Smart Pet Pet特派小編去咗非牟利機構 LAP (Lifelong Animal Protection Charity) 嘅貓咪領養中心做咗一日貓義工，學習點樣為貓咪做清潔，妥善清洗佢哋嘅日常用具；中心義工仲教識小編點樣觀察貓咪嘅情緒同反應，從而學習如何同佢哋正確咁相處互動。
最刻骨銘心嘅經歷：連直視佢哋嘅勇氣都冇
LAP一直以拯救被遺棄嘅毛孩為己任，並全天候貼心咁照顧佢哋，希望可以幫佢哋搵個永遠嘅家。中心義工 Salina同Alice喺訪問期間分享佢哋做義工最刻骨銘心嘅經歷：「曾經救助被非法繁殖場扔出嚟嘅貓咪，佢哋大部分嘅身體除咗有好多腐爛嘅傷口之外，亦發出難聞嘅惡臭。更可怕嘅係，有貓咪嘅眼球直情係跌咗出嚟…佢哋嘅狀況可以用慘不忍睹嚟形容，我哋連直視佢哋嘅勇氣都冇…」
幸運地，繁殖場被拯救出嚟嘅貓咪經中心長時間悉心打理及照料之後，個個已經變返靚仔靚女喇！有興趣領養嘅朋友不妨可以去中心同呢群等待被愛嘅「小朋友」親身接觸一下，等佢哋可以擁有多一個重新被愛嘅機會！
即睇一日貓義工體驗！
LAP 貓咪領養中心
地址：西營盤第一街十一號
