沙田新城市廣場嘅寵物同樂園 (New Town Plaza Pets Park) 開幕後，瞬間成為沙田區全新寵物遊樂熱點！為咗令一眾狗奴同主子更盡興，商場與場內指定餐飲商戶合作，推出全新『戶』動野餐 Picnic Set，畀主人可以外買美食同寵物一齊喺「野餐區」內開心享用，提供 Picnic Set 嘅餐廳包括：地道傳統英國菜 BRICK LANE Deli、以德國鹹豬手盛名嘅 The Salted Pig、泰式料理 Nara Thai Cuisine、主打日式串燒嘅 Yaki Ana，而美式漢堡專門店 Shake Shack 更特設場內寵物零食！快啲趁住天氣咁好，同主子去下野餐 chill 下啦！
嚟緊 2 月 27 至 28 日及 3 月 6 至 7 日一連兩個週末，商場舉辦一個名為「寵物同樂日」嘅活動，除咗可以野餐之外，場內仲有寵物市集行；同時，活動期間，香港專業寵物美容師會到場為主子們免費指導扮靚㗎；而「金牌犬隻行為治療師」Eric Ko 亦會親身到場，傾囊相授犬隻社交禮儀添！仲唔幫主子 mark 定個 schedule？
