天氣涼涼地最啱打邊爐🍲但平時帶埋狗狗出街，可以選擇嘅地方真係唔多～
難得呢間餐廳係半露天形式嘅！就可以帶埋狗狗一齊打邊爐食雞煲！
雞煲未到，狗奇已經有雞肉食！
店主煮咗雞胸俾佢哋食 照顧超周到 好貼心！
雞煲我哋揀咗雞髀肉，啖啖肉一條骨都冇！
啱晒懶得拆骨嘅人，小辣味道唔算好辣，入面仲有豬皮，味道都唔錯 好入味！
食完雞煲之後再打邊爐！響鈴新鮮炸！上碟嘅時候仲要熱辣辣、脆卜卜超推介！
難得香港有間咁pet friendly嘅打邊爐餐廳，帶埋狗狗唔係得cafe選擇！
而且依到坐位超多空間 狗狗都可以坐得好舒服
適合叫埋長輩一齊嚟食嘅餐廳！
推介俾大家～
📍尚上下夏 – 養生雞煲火鍋 @jkjpot
地址: 尖沙咀山林道23號地下
電話: 24702668
