提起荃灣大家一定第一時間諗起南豐紗廠,場內好多寵物友善餐廳相信好多主人都去過,但其實紗廠以外都仲有其他選擇。
依間喺紗廠附近嘅 cafe 應該好少人提起,不過佢哋除咗歡迎毛孩仲有包場服務,如果主人想幫毛孩搞聚會都不失一個好地方。食物方面都係西式為主,意粉、漢堡包、All Day Breakfast 都唔錯,雖然上菜速度會慢少少,但因為食物都係即叫即整,所以都需要少少時間嘅,如果去開紗廠又想搵新餐廳不妨一試。
食物以西式為主,即叫即製,所以可能需要少少耐性等候。
環境尚算寬敞,大狗都可以入內~
餐廳資料: Why So Cafe
地址 : 荃灣大涌道18號國際企業中心3期地下2號舖(南豐紗廠附近)
相片來源:@Why So Cafe @Sara Fok