夏日炎炎, 帶狗狗出街一定首選有冷氣嘅地方, 好彩近年多咗好多寵物友善嘅餐廳同商場, 就算鬧市都可以同狗狗嘆住冷氣行街街。尖沙咀區好多主人第一時間諗起K11 Musea ,其實行遠少少嘅圓方都一樣歡迎狗狗,而且商場入面好多餐廳都可以帶狗入內, 主人不妨同狗狗轉吓地方
今次介紹嘅韓式cafe喺商場入面,餐廳走簡約路線, 部分座位係塌塌米設計私隱度高,仲可以體驗韓國人盤腿而坐嘅用餐傳統。 食物方面必試國民美食紫菜包飯,口感甜甜酸酸又爽脆,仲有以花入饌嘅花煎餅,甜辣炸雞等招牌菜式,食完主食記得試埋佢哋嘅 LOTUS焦糖奶昔同埋士多啤梨芝士蛋糕牛角包窩夫。 食飽飽仲可以同狗狗去商場嘅寵物平台,不過商場範圍就要入寵物車、袋或者手抱喇~
有韓國國民美食之稱,紫菜包飯每日新鮮製作,多種材料,口感甜甜酸酸又爽脆,最啱同朋友一齊食
咖啡迷必試嘅咖啡三步曲,配埋韓國傳統花煎餅。由三種享受咖啡嘅概念而製作,建議飲法先由espresso – latte – 最後crema,由熱到凍,原味到甜味,層次口感由淺至深。
甜食控超愛,海鹽焦糖芝士蛋糕牛角包窩夫,有淡淡鹹甜嘅海鹽焦糖糖漿,甜而不膩嘅香濃芝士蛋糕同埋新鮮脆口嘅牛角包窩夫。
餐廳資料: Coffee Hwajeon 커피화전
地址:尖沙咀柯士甸道 1 號 ELEMENTS 圓方水區 1 樓 1028B
相片來源: @Triple Chau/@nana180310